Akut lääunhom ye Jiɛ̈ɛ̈m looi lɔŋë pial ë Nhom (Independent Mental Health Advocacy - IMHA) alëu bï yï kony ago yithku ya ŋic ku bï ya naŋ wɛ̈t ye lueel.
Akut de IMHA ee akut ye loilooi ke jiɛ̈ɛ̈m looi abac ku ye wël ke ŋɛk gël tënnë kɔc:
- ye yök në yïlany/döny cï tääu ke ye löŋ bï ya kuanycök
- ka cïk diɛɛr në yök ë yïlany/döny cï tääu ke ye löŋ bï ya kuanycök.
Aguiɛɛr de IMHA ee aguiɛɛr ye gam abac në Akut ye kuɔɔny gam lɔŋë lööŋ (Victoria Legal Aid) ku acie aguiɛɛr de lööŋ. Aguiɛɛr de IMHA ee aguiɛɛr lääunhom ye loilooi ke pial ë nhom guiir.
Wɔ bï yïn cɔɔl
Gɔl në pɛɛi nïn 1 Pen ë Dhoŋuan 2023, ke Löŋ ë Pial ë Nhom ku Piath de 2022 ee jam wu bï wuɔɔk ya lɛ̈k në ɣan thiekiic yiic në ye kaam looi yïn yïlac kënnë yic. Piɔ̈ɔ̈cë rɔt në wël juëc kɔ̈k jam lɔŋë ‘Ye nɛn bennë IMHA ya lɛ̈k?’
Wɔ bï yïn yuɔ̈p të kën yïn wuɔɔk jɔ̈ɔ̈ny bukku yïn cɔɔl. Të cɔɔl wɔ yïn, ke wɔ bï yïn guiɛ̈ɛ̈r kë ba looi, ku yïn lëu ba lɔc të kɔɔr yïn luɔɔida. Piɔ̈ɔ̈c dhɔ̈l bïn wuɔɔk lɛ̈k agoku yïn ciɛ̈ cɔl.
Yïn lëu ba wuɔɔk cɔɔl
Na cie yök në yemɛɛn në yïlany/döny cï tääu ke ye löŋ bï kuanycök ku ca dieer në wɛ̈t de yök ë yïlany/döny cï tääu ke ye löŋ bï kuanycök, ke yïn lëu ba ya ŋoot ke yök loilooi ke IMHA. Yïn bï kör ba wɔ cɔɔl ërɔtdu ku ba wuɔɔk lɛ̈k. Yïn lëu ba wuɔɔk cɔɔl në 1300 947 820, ka ba wuɔɔk gät nëe imeeil në contact@imha.vic.gov.au. Piɔ̈ɔ̈c rot wël kɔ̈k alɔŋ dhɔ̈l bïn jam kek ɣook. Aya, a lëu ba jam kek ɣook thuɔŋ du.
Kɔc ye ŋiɛ̈c tak aalëu bïkkë diɛɛr në kueer bï keek ya yök në yïlany/döny cï tääu ke ye löŋ bï ya kuanycök ee mɛt thïn në wɛ̈t cï mɛn de yïn këc gam në wɛ̈t cïï akut de akïïm loi yïlanydu/dɔ̈c du lueel, ka akut de akïïm loi yïlanydu/dɔ̈c du aacï jam wu na cïn kë loi, ke yïn cïï bï tääu në yïlany/döny cï tääu ke ye löŋ bï kuanycök.
Lëu bï IMHA yïn ya kony wudë
Wɔ lëu bukku yïn ya kony në:
- dɛ̈t ë yic de wël jam lɔŋë cɛɛthdu, yïlac, muɔ̈ɔ̈k ku ŋuɛ̈ɛ̈n/jäl de tuany
- luɛɛl de wɛ̈t bï looi lɔŋë cɛɛthdu, yïlac, muɔ̈ɔ̈k ku ŋuɛ̈ɛ̈n/jäl de tuany
- dɛ̈t ë yic ku luɔɔi de yithku
- luɛɛl de wël jam në kä kuun ca keek lɔc
- kuɛ̈ny de raan bï kuɔɔny gam
- guïk/kɔ̈ɔ̈r de wël bïï akïïm keek ya lueel
- guïk/kɔ̈ɔ̈r de wël ke jiëëm lɔŋë lööŋ
- thiɔ̈ɔ̈ŋ tënnë akut de luɔ̈k baŋë Pial de nhom
- dɛ̈t ë yic ku yök de loilooi ke pial ku piath de nhom
- luɛɛl de wɛ̈t duun ca tak, kä ca keek tïŋ ku kä kuun ca keek lɔc lɔŋë pial ku piath de nhom ku jɔl ya loilooi kɔ̈k
- luɔɔi de guɛl/balak.
Wɔ lëu bukku luɔɔi de wɛ̈ɛ̈rë thok guikcök ago wëlku waariic, rin ba jam kek ɣook thuɔŋ du. Yïn lëu ëya ba cööt tënnë akut de Athook/agamlööŋ (Translating and Interpreting Service) në 131 450 ku thiëc bï yïn rɛk në jamic tënnë wuɔɔk.
Akut de IMHA alëu bï ya kɔ̈ɔ̈c në wëlku yiic lɔŋë loilooi ke pial ku piath de nhom të cïn kɔn gam.
Akut duun de IMHA:
- abï ya luui cï tɛ̈n cïn keek nyuɔɔth nhïïm thïn
- abï ya ciɛ̈n luɔɔi bï ya looi ke yï kënnë kɔn thiëëc
- acïï bï ya luui në wël cïï kɔc kɔ̈k keek lueel ke ye wɛ̈t duun bï röŋ kennë yïn, të nɔŋ yïn nhom run kaa 16. Na nɔŋ nhom run kaa 15 dhukpiny, ke akut de IMHA abï Wël kuun ca keek lueel ya ŋäär tueŋ ku bïkkë ya luui kennë paanduɔ̈n, dumuuk, ku kɔc ye kuɔɔny gam ago tɔ̈ ke kë duun nhiaar ya gël.
Lɛ̈k ë wuɔɔk agoku yïn cië cɔl
Yïn bï ya kɔɔr ba wël bï yïn ya cɔk ŋic guɔ̈p ya lueel tënnë yïn në rɔtdu agoku ŋic lɔn:
- cïï wɔ yïn bï ya them në cɔ̈t, ku
- bukkë wël cukku keek lööm lɔŋë yïlanydu/dɔ̈c duun cï tääu ke ye löŋ bï kuanycök cuɔth wei.
Wël kuun ca keek lɛ̈k wuɔɔk aabï keek ya muk në bɛ̈nydaan lui në mäktapic. Kɔr wël kɔ̈k lɔŋë tɛ̈n bïn wëlku në rɔtdu ŋiɛ̈c mac thïn ku ba Wël kuun ke ŋɛk gël apieth.
Ago lɛ̈k lɔn cïï wɔ yïn bï ya cɔɔl:
- cɔ̈ɔ̈të në (03) 9093 3701
- thiäŋ athöör ba yök thïn ëtennë
- thiäŋ athöör warak ku tuɔɔc në ye imeeil kennë yic admin@imha.vic.gov.au ka tuɔɔcë në thanduŋ ë thöön tënnë:
- Mäktam de Independent Mental Health Advocacy
GPO Box 4380
Melbourne VIC 3001
- Mäktam de Independent Mental Health Advocacy
Yïn lëu ba raan lui në mäktapic thiëëc ku dukuny ago yïn kony në tɛ̈n bïn athöör kënnë ya thiääŋ thïn ku ba tuɔɔc.
Na ca yï nhom waar ka kɔɔr bï yïn cɔɔl në akut de IMHA në ye kaam yïn lööm në yïlany/döny cï tääu ke ye löŋ bï kuanycök, ke yïn lëu ba:
- Cööt 1300 947 820
- imeeil contact@imha.vic.gov.au
- Kɔr wël kɔ̈k alɔŋ dhɔ̈l bïn jam kek ɣook.
Ye nɛn lëu bennë Akut ë IMHA ya lɛ̈k?
Akut de IMHA abï ya lɛ̈k të:
- cennë yïn tääu në yïlany/döny cï tääu ke ye löŋ bï ya kuanycökic, ka löŋ de luɔië yïlac, agut cï të tɔ̈ yïn ke yï ye raan ë thiaidït ka raan de akut ë gël luië yïlac
- yithkuyiɛth ku lɔŋë jam acï tekic
- yïlanydu/dɔ̈c duun cï tääu ke ye löŋ bï ya kuanycök, ka löŋ de luɔië yïlac, acï wuɔ̈ɔ̈c në kaam de yï piɔm kennë raan tuany ka tënnë raan tuany ku bï lɔ tënnë piɔm
- yïlanydu/dɔ̈c duun cï tääu ke ye löŋ bï ya kuanycök, ka löŋ de luɔië yïlac, acï teemkɔ̈u ka cï nyaai
- pïŋ ë yic de luk baŋë pial ku piath de nhom acï ruk ke bï looi
- Kuɔɔny cï tekic abennë ya luui në yen, cï mɛn de të cennë yïn tääu tëdu yïtök, ka cï yïn lɛl tëdu yïtök në wɛ̈t de guɔ̈pdu ka wal
- Lööŋ kuun cï bɛ̈ibei awääc ago yïlanydu/dɔ̈c du tuɔɔc në ɣän kɔ̈k cï keek juiir ke pial ku piath de nhom yiic.
Na tɔ̈ ke yï ye raan tuaany tɔ̈ në akut de gëlic, ke akutnhom de IMHA abï lɛ̈k ëya të:
- Cennë yïn yök në, ka cï lɛɛr tënnë, cï lueel de yïlany/döny ë nhom yic
- Cennë yïn luɔ̈nybei ɣön ë dö.m/thijinic.
Na tɔ̈ ke yï ye raan tuaany lui baŋ akut de thiaidit, ke akut de IMHA abï lɛ̈k ëya të:
- Cennë yïn lɛɛr në ɣän cï keek lueel yiic ke pial ku piath de tuanytuɛɛny ke nhïïm yiic, të cennë të cennë ye lueel në aku ye awɛ̈ɛ̈c cï röt looi thiëëcic ago ɣɛ̈ɛ̈c/jöt gam ka bï rɔt ya looi cï tɛ̈n cennë yen luɛɛl thïn në akutnhom cï gamic
- Na tɔ̈ ke yï ye akïm ye yïlany/döny ë nhom looi ka Akïm ŋuɛ̈ɛ̈n ye yïlany/döny ë nhom looi acï yïn lɛ̈k bï yïn lɛɛr të de ɣän kɔ̈k peei cï keek lueel yiic ke pial ku piath ë nhïïm yiic
- Akut de Forensicare ee akut de Mental Health Tribunal lɔŋë lööŋ ke cɛɛth cï keek bɛ̈ibei yiic, të cennë ye löŋ kënnë bɛ̈ibei ku jɔl ya nɛn cennë yen looi.
Wɛ̈l athör lëk ë IMHA bei (athör ë jaai)
Athör lëk ë IMHA (athör ë jaai).
Wɛ̈l kan ë IMHA bei
Lëu na akut de IMHA ya guik wudë ku ba wël juëc kɔ̈k lɔ piŋ thïn ëtënnë
- Tuɔɔcë athöör de imeeil tënnë contact@imha.vic.gov.au
- Yuɔ̈pë nïmra ë puun de IMHA yic në 1300 947 820, mɛn nɔŋic kɔc lui cï keek guiir në Akut de IMHA ye lööŋ guiir në kaam de thaa 9.30 miäkddur – 4.30 thëëi në kaam de nïn kaa dhorou ke wikiic (ku acïï bï ya luui yetök në nïn ke ajathaai ke baai yiic). Ku a lëu ba jam kek ɣook thuɔŋ du.
- Yuɔ̈pë nïmra de lany ciɛɛm de IMHA yic në 1800 959 353 ago piŋ në wël cï keek dɔm lɔŋë yithkuyiɛth ku.
- Kɔr wël kɔ̈k alɔŋ dhɔ̈l bïn jam kek ɣook.
- Thiëc akut de Pial ku Piath lɔŋë tuɛnutuɛɛny ke kɔc nhïïm, dumuk ku jɔl ya kɔc kɔ̈k ye kuɔɔny looi tënnë akut de IMHA.
- Na kɔɔr ba wɛ̈t bɛ̈ɛ̈r/dhuknhom ka kɔɔr ba guɛl/balak looi lɔŋë luɔɔi de IMHA, ke yïn liɛm ba wuɔɔk yuɔ̈p. Kɔr wël kɔ̈k alɔŋ dhɔ̈l bïn kä jöör lueel ku dhuk wël kɔ̈ɔ̈th tɛ̈n ɣook.
More information
- What are my rights? (English)
Updated